اخصائي التغذيه و المدرب جابر الرشيد يوضح الكاربوهيدرات المطلوبه لكل جسم
وايد ناس تاكل كاربوهيدرات بدون لا تدري اذا زينه لها ولا مو زين! ياجماعه الكاربوهيدرات المسموحه لك يحددها نوع جسمك! - اذا كان جسمك من النوع الاكتومورف (النوع الي صعب يكسب شحم وعضل وسهل يفقدهم) فأفضل نوع كاربوهيدرات تاكلها هي الكاربوهيدرات سريعة الامتصاص مثل النشويات البيضه والسكريات - اذا كان جسمك من نوع الميزومورف (النوع الي سهل يكسب شحم وعضل ولكن هم سهل يفقدهم) فأفضل نوع كاربوهيدرات المسموحه لك هي الكاربوهيدرات بطيئة الامتصاص مثل النشويات السمره - اذا كان نوع جسمك من نوع الاندومورف (النوع الي سهل يكسب شحم وعضل لكن صعب يفقدهم) فأفضل نوع كاربوهيدرات تاكلها هي الكاربوهيدرات بطيئة جدا جدا الامتصاص مثل الخضره وايضاً نشويات السمره بس لا تكثر وحاول تبتعد عن النشويات البيضه.
ليش؟
- لان حساسية الخلايا العضليه للانسولين عند الاكتومورف عاليه فتستفيد الخلايا العضليه من سرعة امتصاص الكاربوهيدرات. - والميزومورف حساسية الخلايا للانسولين عندهم متوسطه ومع الرياضه ترتفع فيفضل ان تكون سرعة امتصاص الكاربوهيدرات متوسطه الى بطيئه - اما الاندومورف فحساسية الخلايا للانسولين عندهم قليله جدا فيفضل ان تكون سرعة امتصاص الكاربوهيدرات بطيئة حتى لا يتخزن الطاقة على هيئة شحم
طيب جابر
يصير الي جسمه اندومورف ياكل كاربوهيدرات سريعة الامتصاص نفس السكريات؟
يصير طبعا بس مو اي وقت! يفضل اما يكون عند الاستيقاذ من النوم او بعد ممارسة الرياضه مباشره
والي جسمه ميزومورف؟
يصير بس اما عند الاستيقاذ من النوم او قبل التمرين او بعد ممارسة الرياضة مباشره
والي جسمه اكتومورف يصير ياكل نشويات بطيئة الامتصاص؟
يصير بس افضل وقت قبل النوم
امثله على كاربوهيدرات سريعة الامتصاص: الحلويات، مشروبات الرياضيه، كورن فلكس الي متروس سكر، العيش الابيض، توست الابيض، بطاط المقلي ملوت المطاعم، الايس كريم امثله على كاربوهيدرات سرعة امتصاصها متوسط: العيش الاسمر، الشوفان، خبز وتوست من حبوب كامل القمح، الفواكه، منتجات الالبان، الفواكه، المعكرونه والباستا امثله على كاربوهيدرات بطيئه الامتصاص: الخضره، المكسرات، البقوليات مثل النخي والفول
ليست هناك تعليقات:
إرسال تعليق